Святкуйма разам!

А што гэта ў нас так ціха?! Усе адсыпаюцца ў нядзелю?! Грэюцца ля вогнішча? Смажаць шашлыкі? А мо, святкуюць Сусветны дзень донара?!
Справа неблагая. Але ў нас сёння ёсць і свята, што датычыцца кожнага тут. Сёння, 14 чэрвеня, – Міжнародны дзень блогера!!!
Віншую ўсіх нас! Ур-р-р-р-р-рра!!!

Субота... Дача...

Да няроўнага бою з пустазеллем гатовыя!

 
Бяром – і дзяром, дзяром, дзяром...
Дачнікам-агароднікам – удачы. Усім, хто адпачывае сёння, – прыемнага дня!

...І шарык вам у рукі! :)

Хто на падаленай працы, хто ў офісе... У вёсцы... ці дзе-небудзь яшчэ...
Карацей, вы гуляць сёння збіраецеся?! Хто – прама па спякоце, хто – у цяністым парку ці скверы... А можа нават ля вады?! Мая вам зайздрасць! :)
Збіраецеся?! Тады бярыце з сабой... паветраны шарык! :) І можна – не адзін.
Ага, чарговае неафіцыйнае свята. Летуценнае і рамантычнае. Дзень гуляння з паветраным шарыкам!!! 
Во так! :) Гуляйма! :)

А тым часам ва Украіне...

... даволі сумная статыстыка.
Што яшчэ раз сведчыць, прычым вельмі гучна: РАНА!!!! Рана здымаць усе абмежаванні, адмяняць падаленую працу, выклікаць людзей у офісы... Нават калі зніжэнне... І ў колькасці, і ў працэнтах ад усіх тэстаў...
Вірус, зараза такая, не спіць і не душыцца...:(
https://news.tut.by/world/688327.html 
Беражыце сябе!!!

Калі за акном – плюс 32°С...


Ратуйся, хто можа і куды можа! У ваду... Хоць у ванну... А занырнуць...
У чаканні сённяшняй спякоты!
 

Ура? Ура! :)

Вось люблю я... паныць... Прычым не ў безнадзейных сітуацыях, а якраз наадварот. І гэта – такі тонкі разлік. :) Каб вышэйшыя сілы пашкадавалі і паспрыялі.
Так і сёння... Паныла... І – до-о-о-о-ождык!!! Невялічкі, але на асфальце лужыны...
І так хочацца спадзявацца, што дачы таксама атрымалі хаця б трохі нябеснай вады... А то на заўтра ўжо градус накінулі – плюс 31-33. А моцны дождж з пятніцы перанеслі на нядзелю... Ну, пабачым...

«Над мяжою хмары ходзяць хмурна...»

... Высунуўшыся ледзьве не па пояс з балкона, сумна назіраю, як хмара, на якую ўскладаліся такія надзеі, важна абыходзіць нас бокам...:( Не, ну што за жыццё, а???
І грымела так абнадзейваюча, і спахмурнела, і сонца закрыла... І – міма... Нармальныя хмары так не робяць!!! :(
Эх, нас бокам абпаўзаеш, дык хоць на дачу завітай!!! У мяне ж сёння там без паліву... Уу-у-у-у-у-у-у...
А на заўтра – наце вам, аранжавы ўзровень з-за гарачыні, плюс 30-32. Як кажуць, атрымайце і распішыцеся. Далей быццам бы нармалёва будзе... На пятніцу нават моцны дождж абяцаюць. Ну-ну...

А вы... загрызлі?! :)

Ды не каго, а што! :)
Пытаюся: марожанае сёння загрызлі?! Бо зноў па тэме. Сёння не толькі Градавая серада, а яшчэ і Сусветны дзень марожанага. Якое я люблю пяшчотна...
 
Вось гэтае сёння было мной загрызенае...:)
Увогуле, любімае – пламбір з дадаткам…

Калі сабраліся ў грады... Лепей не збірайцеся! :)

Я ведаю, што ёсць тут і дачнікі, і агароднікі... І тыя, хто проста падчас адпачынку ў вёсцы працуе на зямлі...
Дык вось сёння зямлю кранаць не варта – Градавая серада. Апошняя з трох, найбольш вядомых. Першая была пасля Вялікадня, другая – перад Тройцай... А гэтая – вось, пасля Тройцы, на Русальным тыдні.
Нашы продкі верылі, што калі папрацуеш на зямлі ў Градавую сераду, дык пазней град можа пабіць будучы ўраджай.
Ну што я вам скажу... Было, і не аднойчы. У сэнсе, мы не працавалі, хтосьці іншы саграшыў, а прылятала нам! Аднойчы так моцна пахвастала і лісце, і плады, што яблыкі не змаглі зарасціць…

Анекдот!

Ажно так яскрава ўявіла сабе таго кавалера! :) Да аднаго з нашых тут падобны, не?! :) Жарт, як што! :)

— Бабуля, усе кажуць, што я лашара!
— Які ж ты лашара? Пінжачок у штонікі, штонікі ў шкарпэтачкі, на шкарпэтачкі сандалікі! Красунчык!


 

sonejka-ja
697 постов
Последние комментарии
function li_counter() {var liCounter = new Image(1,1);liCounter.src = '//counter.yadro.ru/hit;bloger?t44.6;r'+((typeof(screen)=='undefined')?'':';s'+screen.width+'*'+screen.height+'*'+(screen.colorDepth?screen.colorDepth:screen.pixelDepth))+';u'+escape(document.URL)+';'+Math.random();}