Бяго-о-о-о-ом... марш! :)))

Ну-у-у-у-у... Хто яшчэ жадае прабегчыся, пазнаёміўшыся з гэтым?!   
https://news.tut.by/go/599860.html?utm_source=finance.tut.by&utm_medium=news-right-block&utm_campaign=popular-news 
Я толькі што выпісала сабе маршрут у 2,88 кіламетра! 
Ой-ёй, аказваецца, і чарэшню (чытай -- вішню) адпрацоўваць?! Дык гэта я да заўтра дахаты не вярнуся! Буду бегаць і бегаць!   
Хто са мной?!  

Не еш незапошчанае, альбо... Той самы жоўты памідор! :)))

Так! Усё прайшло па плану! Учора пра выспяванне жоўтага памідора не па днях, а па гадзінах распавяла, сёння надышоў час яго з'есці! 
І ўсё ж, памыўшы, яшчэ доўга вагалася перад "заразаннем". Любавалася, удыхала водар, перакідвала з…

Назбіраць шмат чарніц без камбайна?! Ды лёгка!:)))

 
    Ці любіце вы збіраць лясныя ягады гэтак, як любяць у нашай сям’і?! Рытарычнае пытанне... Тут альбо любіш, альбо – трэба, альбо... купляеш. Вось ніколі не куплялі тое, што можна сабраць самім. Спадзяюся, і не давядзецца.
... Калі нашы з братам…

Не па днях, а па гадзінах...

... спее жоўты памідор! 
Падчас сёлетняга няпростага беларускага (а дакладней -- зусім не беларускага) надвор'я, нягледзячы на засуху і залевы, стараюцца выспець памідоры ў цяпліцы. Ці хаця б абазначыць гэты свой намер.
Адзін экземпляр быў дастаўлены адтуль пару дзён таму. З добрым намёкам на жоўты колер, але ў большасці яшчэ зялёны. Даспяваць прыехаў дахаты.
Узважыўшы яго ў руцэ, здзівілася цяжкасці.
-- Грамаў 400?! -- прыкінула ўслых.
-- Ды не, ты што! -- запярэчыла мне мама. -- І 200 не будзе.
Зразумела, ісціна аказалася роўна пасярэдзіне!  Узважваю. 300 грамаў…

... І па сустрэчцы -- у лоб! :(((

Паколькі з'яўляюся пешаходам, веласіпедыстам і вадзіцелем у адной асобе, стараюся не ствараць нікому праблем. Перад самай машынай па абазначанаму пешаходнаму пераходу не лячу. На веласіпедзе па праезнай частцы ў метры ад краю асфальта не еду. Веласіпедыстаў на машыне выскокваць на абочыну, не прыстасаваную для язды, не прымушаю. Ну, і гэтак далей. Затое напоўніцу адчуваю на ўласнай скурцы ўсё пералічанае, і не толькі.
Напрыклад, на адным перакрыжаванні блізка да цэнтра горада, дзе першапачаткова не тую дарогу, на погляд многіх, прызначылі галоўнай, нізавошта не ступлю на пешаходны пераход…

Чуф-чуф... Пф-пф... Грр-р-р-р-р-р!!!

Пакуль машына часова не на хаду, перасоўвацца да дачы і назад даводзіцца на грамадскім транспарце. Не, недалёка зусім, але... Па выхадных на маршрут №2 па гораду выпускаюць вось такія цуды...
Ёсць два варыянты: з аднымі дзвярыма і з парай... Часта…

Праца... на плантацыі :)))

Даўно збіралася выпрабаваць сябе ў якім-небудзь збіральніцтве за грошы. Бо ні разу не ездзіла ні на збіранне вінаграду, ні на збіранне памідораў... Хаця калісьці студэнцкія атрады ў Малдову ці Украіну былі вельмі папулярнымі. А хтосьці і зараз у Польшчу на клубніцы ездзіць ці яшчэ куды... Максімум, што атрымалася ў студэнцкія гады, натхніўшыся рамантыкай ад брата, -- з'ездзіць папрацаваць на цагляны заводзік у будатрад. Праўда, ён ездзіў у свой час у Пскоў, а я -- у Віцебскую вобласць. І нічога рамантычнага, хутчэй, наадварот... 
А тут даведалася, што патрабуюцца збіральнікі…

Ластаўчын дом

Неяк так атрымалася, што з цягам часу ў нашай пяціпавярхоўцы змяніліся жыхары. Не, не гаспадары кватэр, хаця і такое назіраецца. Іншыя. Птушкі!!! І калі раней гэта былі вераб'і ды галубы, дык цяпер усё часцей -- ластаўкі! І вось наш дом неўпрыкмет ператварыўся ўжо ў ластаўчын!
... У светлы час сутак яны носяцца -- па адной і цэлымі шчыльнымі "статкамі". Яны пішчаць!!! Яны пішчаць так аглушальна, што іх чуваць нават пры зачыненых вокнах (а пры адчыненых та-а-а-кі гармідар!). Не ведаю, што так прыцягнула іх увагу ў нашай шматпавярхоўцы, што так спадабалася. І яшчэ нават не прыглядалася, ці ёсць у…

А сёння -- Дзень торта! :))) Аматараў -- са святам!


Оо-о-о-о-оо, якіх толькі святаў ні існуе!!! І з кожным годам іх з'яўляецца ўсё больш і больш. Здаецца, што хутка не застанецца ніводнага дня, не адзначанага якойсьці падзеяй такога кшталту.
...У сацыяльных сетках прачытала напамін, што сёння -- Дзень…

Транзітам...

Учора на нас зноў непагадзь наляцела... Увечары, а пятай... Прычым так па-здрадніцку!!!
Здаецца, хмары насунуліся імгненна. І такі дажджына ўлупіў! А ў мяне, на хвілінку, бялізна на вуліцы сушылася... За пару секунд ускочыўшы ў балеткі і нацягнуўшы куртачку з капюшонам, вылятаю... 
Каравул!!! Вецер прыгінае дрэвы да зямлі, бязлітасна здзірае капюшон, а дождж так сячэ буйнымі важкімі кроплямі, быццам гэта град (свят-свят-свят! Не трэба нам яго!).
Карацей, за пяць хвілін штаны прамоклі наскрозь, з балетак цякло... Верхнюю частку цела абараніла ад нябеснай вады куртка, якую трэба…

sonejka-ja
308 постов
Последние комментарии
Olga-A
Letto
function li_counter() {var liCounter = new Image(1,1);liCounter.src = '//counter.yadro.ru/hit;bloger?t44.6;r'+((typeof(screen)=='undefined')?'':';s'+screen.width+'*'+screen.height+'*'+(screen.colorDepth?screen.colorDepth:screen.pixelDepth))+';u'+escape(document.URL)+';'+Math.random();}