Першыя. Пачастунак

Вось з учарашняга дня прыляпілася да мяне гэтае «п»! :)))) Было – чатыры «п», цяпер – два «п»... Але гэта так, проста асацыяцыі...
А галоўнае – вось яно!

 
Брат пачаставаў. Яны з жонкай у лес з'ездзілі.
Літр лісічак. Маладзенькіх, крамяных, тоўсценькіх…

А хто любіць аўсянку?! :)

Той дакладна не я! :)
Неяк з дзяцінства не залюбіла... Хаця есці даводзілася, і часта...Затое пяшчотна люблю аўсянае пячэнне – таксама амаль з дзяцінства! :)
Ну, хто яшчэ не здагадаўся, я пра чарговае сённяшняе народнае свята! :) Сёння – Амос! А Амос «цягне ўгору авёс»! Вось і прыгадваем сёння пра ўсё аўсянае і ядзім.
Вядома ж, набыць аўсянае пячэнне – самая лёгкая справа. Але хочацца спячы сваё.
Першы ж знойдзены ў сеціве рэцэпт падаўся лёгкім...
https://povar.ru/recipes/ovsyanoe_pechene_na_kefire-29065.html
Але вось ці будзе смачна???
Альбо мне здаецца, альбо хтосьці тут распавядаў і пра аўсянае…

Чатыры «п»...

Не, нічога такога загадкавага... :) Проста ўчора, калі займаліся на дачы безнадзейнай справай, загаловак прыдумаўся да гэтага аповеду: «Пойдзе пад патоп прыгожым». Вось вам і 4 «п».
Няшмат, але штосьці ўчора ўзварушылі на градках. Не ўсё... Бо і травой зарасло, і дзе-нідзе справа ювелірная – выдзёргваць драбязу...
А на сёння ж на ноч паабяцалі навальніцы і моцны дождж... Прахапілася ад грымотаў а пятай раніцы, парысіла выключаць мадэм! Дождж быццам бы не так каб моцны і не так каб доўга... Але ж нашаму «балоту» на дачы шмат ужо і не трэба... :(
Сёння на дзень абяцаюць тое ж... Навальніцы і моцны…

5.53 – гараць на Ленінскай ліхтары!

Ёсць і ў нас у Чэрвені вуліца Ленінская. Ну, а куды ж без яе?!
Цяпер яна, так бы мовіць, мадэрнізаваная. Часта-часта стаяць сучасныя ліхтары.
І штосьці я думала, што яны таксама на рэле, якое рэагуе на дзень-ноч... Але, мусіць, прынцып іншы...
... Паднялася сёння а пятай. Спаць хацелася – слоў няма... Але ж і так трэці месяц дрэнна сплю... :( Не магу...
Таму карцела штосьці да пачатку працы зрабіць на дачы... Хаця і безнадзейная гэтая справа. Але я – як тая жабка ў глечыку з малаком...

А сёння ж у кожнага ў хаце – імянінніца! :)

Вось так хутка і дзень закончыцца, а так і не спытаюся... А вы сёння павіншавалі сваю імянінніцу?! Якая ёсць у кожнага ў хаце?
Як гэта – якую?! Як гэта – не ведаеце, дзе шукаць?! А я падкажу... У... ванным пакоі!
Прыкол у тым, што сёння, 26 чэрвеня, Дзень народзінаў святкуе... зубная шчотка! Вось такое карыснае вынаходніцтва ўшанавалі неафіцыйным святам! :)
І нават, уявіце сабе, помнік ёй у Германіі ёсць. Шчотка ў натуральны, так бы мовіць, рост... 6 метраў!!! Гэта чыю ж пашчу яна чысціць?! :)
Але, па праўдзе, помнік так сабе... А я вось такі адшукала... Ну скажыце, мілата?! :)

Падабайку стаўлю – падабайку забіраю... :)

Сёння назіраю такое ў адной з сацыяльных сетак... І смешна мне, смешна! Ну, далібог, як дзеці малыя! :) Гуляемся ў пясочніцы! :) Паставілі, а праз некаторы час перадумалі ці што... Забралі...
І якраз сёння прачытала ў знаёмага гэтае, пакрыўджанае: 
– Забярыце вашыя апладысменты!
Ну, хіба не мілата??? Аддаваць і браць... віртуальна??? :)

І ўсё ж, як аказалася... НЕ ПІЦЕ!!!

А вось так усё ж дрэнна... І не толькі пах ад вады... Вось што прачытала:

«САНІТАРНАЯ СЛУЖБА Г.МІНСКА ПАПЯРЭДЖВАЕ: НЕ ПІЦЕ ВАДУ З-ПАД КРАНА!
Вынікі лабараторных даследаванняў пробаў вады з сістэмы цэнтралізаванага водазабеспячэння Маскоўскага і Фрунзенскага раёнаў Мінска паказалі значнае перавышэнне нормы па некаторых паказчыках: пах, змест нафтапрадуктаў і перманганатная акісляльнасць (паказчык утрымання ў вадзе арганічных і мінеральных рэчываў).
У сувязі з тым, што вада з цэнтралізаванага водазабеспячэння не бясшкодная па хімічным складзе і арганалептычных уласцівасцях, санітарная служба горада…

Скаланула пастфактум...

... чытаючы ўсе гэтыя жарсці па вадзе і гледзячы на агромністыя чэргі...
А што гэта ў нас у горадзе ўчора такое было? Што за адключэнне? Супадзенне, я спадзяюся?! А то пры актыўным роздуме робіцца ніякавата...
Так, дрэнна без усіх даброт, калі якая губляецца... І без электрычнасці, і без газу... Але без ВАДЫЫЫЫЫЫЫ... Жэсць!!!
Самае цікавае, што я ўчора выпадкова дакранулася ўжо ўвечары да змеявіка ў ванным пакоі – і ледзьве не абпяклася! Та-а-а-а-акі гарачы!!! І сёння таксама... Ды ў нас сёлета ўзімку з новай кацельняй такой вады не было! Цікава-цікава...
І вельмі горка, што мая мілая мамачка не…

Варта толькі падумаць...

... і яно здзейсніцца... У абсалютнай большасці выпадкаў. Праверана, і не раз.
Вось падумала я ўчора ўвечары: «Нарэшце ў нас з гарачай вадой наладзілася. І змеявік не астывае, і вада без праблемаў».
А сёння – атрымайце і распішыцеся! Знікла халодная...
Ага... Цяпер жа не тое, што раней, – напрамую ў дыспетчарскую свайго камунгаса тэлефанаваць. Дзе можна было нарвацца на «прыемнасці», а інфу так і не атрымаць. Цяпер жа 115. Там быццам  не пасылаюць?! :)
Датэлефанавалася разу з чацвёртага. Каб без чаргі... Мілая жанчына патлумачыла, што планавае (???) быццам бы адключэнне, да 15.55. 

Свая «Венецыя». Тыдзень пасля патопу...

Тыдзень быў учора, 23 чэрвеня... Ну што я магу сказаць?! Вада сышла, але шмат дзе яшчэ на ўчастку топішся... Можна застацца без ботаў...:( Таксама яшчэ вельмі сыра... Пахне балотам... Брр-р-р-р-р...:( Палец прыкладзеш да зямлі, а адтуль -- вада... Не ведаю, колькі будзе сохнуць. У перспектыве ж зноў дажджы...
Што выратуецца, таксама невядома. Магчыма, тое, што было вышэй і адкуль вада сышла першай... Кусты маладыя, якія я толькі ўвосень купіла...
Магчыма, частка памідораў. Перцы пад пытаннем. Гарох, дзе вышэй, магчыма, але гэта недакладна... Цыбуля толькі калі зімовая... Астатняя – наўрад…

sonejka-ja
741 пост
Последние комментарии
Lapka учора ў 13:01
Lapka 17.01.2021 21:03
function li_counter() {var liCounter = new Image(1,1);liCounter.src = '//counter.yadro.ru/hit;bloger?t44.6;r'+((typeof(screen)=='undefined')?'':';s'+screen.width+'*'+screen.height+'*'+(screen.colorDepth?screen.colorDepth:screen.pixelDepth))+';u'+escape(document.URL)+';'+Math.random();}