І ў нас – ад сёння...

Толькі сёння масачны рэжым (у адрозненне ад Мінска) уведзены і на тэрыторыі Мінскай вобласці. Зрэшты, папярэджанні, што без масак не заходзіць, у сваім Чэрвені ўсюды бачыла ўжо ў гэтыя выхадныя. І людзей у масках у цэнтры горада адчувальна паболела, што прыемна.
Паглядзім, чым парадуюць заўтра маршруткі...
Папярэджанні ж пакуль мяккія. Ніхто не ўзяў на сябе смеласць напісаць, што без масак дзесьці не будуць абслугоўваць... Разлік на свядомасць...
Назіраю...

А вы чым грэецеся?!

Хутка -- месяц з пачатку ацяпляльнага сезона. Тэмпература ўжо ўночы апускаецца ніжэй за нуль. У аўторак раніцай та-а-а-кі маразідла быў на машынах і траве... І толькі нашаму Чэрвеньскаму камунгасу цёпла і ўтульна.
І абсалютна ўсё роўна, што ў нас з самага пачатку ацяпляльнага сезона не грэюць 2 батарэі, адна з якіх -- у вялікай спальні. І яны з радасцю прымаюць ад нас аплату ў ПОЎНАЙ меры, хаця цудоўна ведаюць, што тут -- неаадтрыманне паслуг. Прычым апошніх гадоў ...аццаць.
Але яны спакойна працуюць і соладка спяць у сваіх цёплых ложках. Зайздрошчу... Далібог, зайздрошчу! Бо мяне асабіста як…

Эх, маршруткі...:(

Як заўсёды, штодня маса новых уражанняў. Толькі пісАць, пісАць і пісАць... Вось, свежанькае, з апошняга...
...Прыходжу, як заўсёды, на вечаровую маршрутку за хвілін 8-10 да адпраўлення. Але ўчора яна чамусьці ў гэты час была практычна запоўненая. Магчыма, вадзіцель заруліў-такі і на аўтастанцыю. Хаця гэты час адпраўляецца з тралейбуснага кола... А магчыма, проста так супала... Але мая галава не ўцяміла, што лепей бы дачакацца ў такой сітуацыі маршруткі аўтапарка, якая ідзе ўслед.
Значыць, бачу, што ёсць 2 месцы на апошнім радзе, дзе сядзенняў 4. Канцавыя, вядома ж, занятыя. Яны самыя зручныя…

Ён зноўку бы прыспешвае зіму...

Мой гатунковы каляднік (шлюмбергера)... Які я сёлета амаладзіла, проста абарваўшы-выкруціўшы (акуратненька так) доўгія «сустаўчыкі»...
Па яго меркаванні снежань ужо хутка. Ну і што, калі да снежня цэлы месяц?! А каляднік – раз! – і бутоны выкінуў...
І зноўку самую прыгажосць буду назіраць у лістападзе... А ўзімку – не. Хаця... Астатнія каляднікі, больш простыя, пакуль паводзяць сябе спакойна... :) Хаця іх таксама амаладзіла...

А пахаладанне – будзе... Хутка...

Пра яго не толькі прагноз пагоды кажа, але і птушкі. 
Вунь сёння сінічка на лоджыю прыляцела. Пагойдалася на вяровачцы, пасядзела на парэнчах... Штосьці сказала на сваёй птушынай мове – і паляцела...
Як кажуць у народзе: «Лістапад на рабой кабыле ездзіць: то снег, то слата»...

І зноўку ўспаміны... Пра Пакроў...

Проста не было калі напісаць. Але ўбачанае раніцай 14-га кастрычніка настолькі ў памяці... Таму вырашыла занатаваць тут, каб не згубілася...
...Пішучы пра народныя прыкметы на Пакроў, пераважна сутыкалася з узгадкамі пра снег. Памятаю, і мамачка мая прыгадвала, як калісьці снег на Пакроў на іх Смаленшчыне, беларускай яе частцы, лёг і не ўстаў. У народнай мудрасці, зноў-такі, шмат пра гэта гаворыцца:  «На Пакрову да абеду – восень, а пасля абеду – зіма», «Святы Пакроў накрыў зямлю жоўтым лістом, маладым сняжком, ваду – лёдам, пчалу – мёдам»... Даўней нават казалі: калі на Пакроў не будзе снегу…

Росквіт і...



 

А я яе ўсё ж убачыла... Яшчэ ў верасні...

Прадстаўляю: вясёлка вераснёўская!

 

«Утыкаць» у тэлефон – і «выйсці» спіной наперад?!

Ужо даўно трэба было б звыкнуцца, а я ўсё здзіўляюся, як моцна людзі могуць «знікаць у тэлефоне». Прычым не толькі моладзь. Свежанькі прыклад – ад учора.
... Вяртаюся ўвечары дахаты. У вагоне метро побач са мной стаць малады мужчына і «ўтыкае» ў тэлефон. Відавочна, настолькі захоплены, што вакол нічога не бачыць і не чуе. А так сапраўды бывае?! :)
Спіною прыхінуўся да дзвярэй вагона, якія не адчыняюцца. За выключэннем станцыі «Першамайская», дзе «выхад на правы бок».
Калі здаралася ездзіць стоячы, я яшчэ перад пад'ездам да станцыі паварочвалася да парэнчаў, каб не замінаць людзям выходзіць на…

Практычна святлафор! :)

... сёння атрымаўся ў нашым вагоне метро. 
Сяджу я ў сваёй зялёнай куртачцы. Насупраць – дзяўчо ў чырвонай. Ніякіх думак увогуле не было, пакуль праз станцыю побач са мной ні села жанчына ў... жоўтай куртцы! І вось тут адразу спрацавала ўяўленне: «Святлафор»! :)
Эх, шкада, што чырвоная сядзела не з намі ў рад! А то папрасіла б каго сфоткаць... :)

sonejka-ja
697 постов
Последние комментарии
function li_counter() {var liCounter = new Image(1,1);liCounter.src = '//counter.yadro.ru/hit;bloger?t44.6;r'+((typeof(screen)=='undefined')?'':';s'+screen.width+'*'+screen.height+'*'+(screen.colorDepth?screen.colorDepth:screen.pixelDepth))+';u'+escape(document.URL)+';'+Math.random();}